To phir taay hai kay is janum nahi milna hai...
Gar tay hai to phir yea ajeeb si baichaini kiyun?
Raat ko yea ajeeb si bekarari kiyun?
Wo subha ko uth kay wo malaal kiyun?
Kiyun har shaam daltay hi... Teri yaad ajati hai...
Kiyun har waqt mujhay meray akelay pan ka ehsaas dilati hai...
Gar yea tay hai kay is janum nahi milna to phir kiyuu har shaam wo park ki purani bench pay baith ta hoon?
Andhairay main tumsay baatain karta hoon..
Kay goya tum bus meray barabar main hi ho...
Zara sa udhar dekha.... aur ek gardan meray kandhay pay dhalki...
Gar yea taay hai kay is janum nahi milna, to phir har raat wo lamp ko jalana.... phir band karna....
Roshni kehtay hoay kay sab meray demag ka footor hai....
Andhaira tumhari yaadoon kay diyea jala kar tumharay ehsaas to masboot karta hai....
Gar yea taay hai.... To samjh lo tum bhi ek cheez....
Yea waqt mujhpay jo sitam dha raha hai.... Wo alag hai...
Yea to zulm waqt aur yaadain dha rahi hai... Wo alag hai....
Gor say dekhna... Jis kandhay ka sara tum aaj lay rahi ho... Us kandhay ko denay wala alag hai....
Mujhay nahi pata kay meri rooh kya chahti hai... Shayad meri sooch aur meri piyas kuch alag hai....
9th April, 2007 08:00 p.m
------------------------------------------------------------------------------------------------------
There isn't much that I can comment on this piece of mine... :)
Subscribe to:
Post Comments (Atom)
2 comments:
NIce Work Madu....Neeba
hammad this is simply rocking, i knw wht u have being through my friend.I guess this is wht life is Rude to Soft people,ANd soft to shurud people.anywayz jst want to say 2 lines to u:
tum bhii dariyaa ho tumhein apanaa hunar maaluum hai
jis taraf bhii chal parow gay raastaa ho jaayegaa.
tc My friend..MAY God Bless U
Post a Comment